Indian Railways News => Topic started by RailXpert on May 14, 2013 - 08:00:12 AM


Title - लालूंना नको आता रेल्वे मंत्रिपद...
Posted by : RailXpert on May 14, 2013 - 08:00:12 AM

पाटणा- भविष्यात आपण कधीही रेल्वे खाते स्वीकारणार नाही, असा दावा राष्ट्रीय जनता दलाचे अध्यक्ष लालूप्रसाद यादव यांनी केला आहे. रेल्वे खात्याची स्थिती एवढी वाईट झाली आहे, की भविष्यात आपल्याला हे खाते देऊ केले तरी आपण ते स्वीकारणार नाही, असे ते म्हणाले.

आपण या खात्याचे मंत्रिपद सोडल्यानंतर तेथे कोणीही ठामपणाने राहू शकलेले नाही, याचाच अर्थ रेल्वे खाते कोणाला झेपत नाही, असे सांगून आपण पदभार स्वीकारण्यापूर्वीची स्थिती रेल्वेत आली असल्याची टीका केली. आपण रेल्वेमंत्री झाल्यावर विशेष पूजा केली म्हणून पाच वर्षे त्या पदावर राहू शकलो आणि रेल्वे नफ्यात गेली, असा दावा लालूप्रसाद यांनी केला.