RailEnquiry

नागपूर-इटारसीदरम्यान रेल्वे मार्ग वाहून गेल्यामुळे तिस-या दिवशीही या मार्गावरील वाहतूक विस्कळीत झाली होती. दरम्यान , रविवारी जीटी एक्स्प्रेससह १६ गाड्याने उशिराने धावत होत्या.

२३ ऑगस्ट रोजी बरबतपूर- मगरडोह स्थानकांदरम्यान माचना नदीला आलेल्या पुरात रेल्वे पुलाची एक बाजू वाहून गेली. पुरामुळे रेल्वे मार्गाखालील ३० मीटरपर्यंतची माती , स्लिपर्स व वीज पुरवठा करणारा ओएचई पोल सारेच वाहून गेले. गस्तीवरील रेल्वे कर्मचाऱ्याच्या लक्षात हा प्रकार येताच या मार्गावरील वाहतूक थांबविण्यात आली. सध्या डाऊन मार्गानेच दोन्ही बाजूची वाहतूक सुरू आहे. त्यामुळे गाड्यांना उशीर होतो आहे. मध्य रेल्वेच्या नागपूर मंडळाचे विभागीय व्यवस्थापक बृजेश दीक्षित यांच्यासह अन्य वरिष्ठ अधिकारी घटनास्थळी तळ ठोकून आहेत. जवळपास दीड हजार कामगार या मार्गाच्या दुरुस्तीच्या कामात आहेत. ८ विशेष गाड्या घटनास्थळी दुरुस्तीचे साहित्य घेऊन घटनास्थळी रवाना झाल्या आहेत. प्रवाशांसाठी नागपूर (०७१२- २५६४३४३) , वर्धा (०७१५२- २५४१६७) , बैतुल (०७१४१- २३४९३०) येथे हेल्पलाइन सुरू करण्यात आल्या आहेत.

दरम्यान रविवारी विलंबाने धावत असलेल्या गाड्या अशा- १२८०८ हजरत निजामुद्दीन- विशाखापट्टणम समता एक्स्प्रेस (५ तास ३० मिनिटे) , १८२३८ अमृतसर- बिलासपूर छत्तीसगड एक्स्प्रेस (५ तास ३० मि.) , १२६२६ नवी दिल्ली - त्रिवेंद्रम केरळा एक्स्प्रेस (५ तास १५ मि.) , १२५९१ गोरखपूर- यशवंतपूर एक्स. ( ४ तास ५० मि.) , १२४४२ नवी दिल्ली - बिलासपरूर राजधानी एक्स्प्रेस (३ तास २० मि.) , १२२७० ह. निजामुद्दिन- चेन्नई दुरंतो एक्स.
( ११ तास) , १२४१० ह. निजामुद्दीन- रायगड गोंडवाना एक्स. (८ तास ३० मि.) , १२७२४ नवी दिल्ली- हैद्राबाद एपी एक्स. (७ तास ३० मि.) , १६०३२ जम्मुतावी- चेन्नई अंदमान एक्स. (६ तास) , १२७९२ पाटणा- सिकंदराबाद एक्सप्रेस (५ तास) , १२६१६ नवी दिल्ली- चेन्नई तामिळनाडू एक्स. (३ तास ३० मि.) , २२१११ भुसावळ- नागपूर एक्स्प्रेस (२ तास ३० मि.) , १२७२२ ह. निजामुद्दीन- हैद्राबाद दक्षिण एक्स. (२ तास) , १२२९६ पाटणा- बंगलोर संघमित्रा एक्स. (२ तास).