Title - संत्रागाछी-राजकोट विशेष ट्रेन

नागपूर: सणांमुळे होणारी प्रवाशांची गर्दी लक्षात घेता संत्रागाछी- राजकोट व्हाया नागपूर अशी विशेष गाडी सोडण्याचा निर्णय दक्षिण पूर्व मध्य रेल्वेने घेतला आहे. या गाडीचा तपशील असा - ०८०४९ संत्रागाछी- राजकोट ही विशेष गाडी १६, २३ व ३० ऑक्टोबर तसेच १३, २० व २७ नोव्हेंबर रोजी (दर बुधवारी) संत्रागाछीवरून २१.२५ वाजता सुटेल. गुरुवारी १७.५० वाजता ही गाडी नागपूरला पोहचेल व १८.०० वाजता राजकोटसाठी रवाना होईल.

०८०५० राजकोट - संत्रागाछी ही विशेष गाडी १९ व २६ ऑक्टोबर तसेच २, ९, १६, २३ व ३० नोव्हेंबर रोजी (दर शनिवारी) राजकोटवरून ९.०० वाजता सुटेल व रविवारी १०.५० वाजता नागपूरला पोहचेल. ११.०५ वाजता संत्रागाछीसाठी रवाना होईल.

या गाडीत १६ कोचेस आहेत. यात २ तृतीय श्रेणी वातानुकूलित, ८ स्लिपर क्लास, २ एसएलआर, ४ साधारण कोचेसचा समावेश आहे. खडगपूर, चक्रधरपूर, राऊरकेला, झारगुडा, बिलासपूर, रायपूर, दुर्ग, राजनांदगाव, गोंदिया, नागपूर, भुसावळ, सूरत, बडोदा, अहमदाबाद या स्थानकांवर या गाडीला थांबा देण्यात आला आहे. संबंधित प्रवाशांनी या विशेष गाडीचा लाभ घेण्याचे आवाहन दपूमरेने केले आहे.